Твая крэатыўная прастора ў Вільне
Прастора
Пра нашу прастору
Наша пляцоўка адкрыта да прапаноў, ідэй і ініцыятыў!
Гнуткая сістэма арганізацыі з магчымасцю скарыстацца пляцоўкай бясплатна.
Прыходзь да нас працаваць!
Каворкінг адкрыты з 9:30 да 18:00 з панядзелка па пятніцу.
Пляцоўка для правядзення варкшопаў ды майстар-класаў да 15 чалавек у буднія дні з 11:00 да 18:00 або ў суботу напрацягу ўсяго дня.
Каворкінг
Правілы і агульная інфармацыя
Як працуе
Каворкінг адкрыты з 09:30 да 18:00, панядзелак — пятніца.
Што у нас ёсць
У нас ёсць кава, гарбата, WiFi, прынтэр, шмат разнастайных утульных працоўных месцаў, вялікія вокны і цудоўная суполка.
Забраніраваць месца
Проста прыходзьце да нас!
Нашы спэйс-менеджар_кі дапамогуць вам зарэгістравацца на месцы.
Правілы каворкінга
- Па роўні шуму ў памяшканні каворкінгу мы імкнёмся да тэрміна «як у бібліятэцы». У вялікай івент-прасторы вы можаце размаўляць гучней.
- Паважаем асабістую прастору і час калег (для агульных абмеркаванняў карыстаемся перамоўнымі).
- Мы намагаемся стварыць для вас максімальна камфортнае працоўнае месца. Калі ласка, захоўвайце парадак і чысціню на сваім стале.
- У нашым спэйсе недапушчальная мова варожасці, агрэсія і дыскрымінацыя любога кшталту. Калі ўзнікнуць якія-небудзь пытанні ці праблемы, то заўсёды можна звярнуцца да нашага спэйс-менеджара.
- У нас ёсць два перамоўныя пакоі, «Бібліятэка» і «Акно».
- Праз тэлеграм бот вы можаце забраніраваць толькі бібліятэку, у якой утульна можа змясціцца 12 чалавек. Пры неабходнасці браніравання пакоя «Акно» вы можаце звярнуцца да спэйс-менеджара.
- У дзень перамоўныя можна браняваць не больш на дзве гадзіны.
- Калі вам патрэбна правесці ў пакоі "акно" мерапрыемства, то вы можаце запоўніць форму заяўкі.
- Галоўнае правіла на кухні - гэта захоўваць чысціню. Паелі, папілі — памыйце, вытрыце, прыбярыце за сабой, калі ласка, і пастаўце посуд на сушылку для посуду, якая знаходзіцца поруч з ракавінай.
- Калі вы пакінулі нешта ў лядоўні, то наляпіце на кантэйнер стыкер са сваім імем.
- Беражліва карыстайцеся кавамашынай, правілы яе выкарыстання поруч з ёй.
- У нас асобны збор смецця. Калі не ведаеце куды выкінуць, то тады ўжо можаце выкідваць ў змешанае смецце.
- Дакументы для друку патрэбна адпраўляць на e-mail admin@createculture.space або ў тэлеграм @CreateCultureSpaceBel.
FAQ
Агульная інфармацыя
CreateCulture – гэта платформа дыялогу і прафесійнага развіцця для творцаў, актывістаў і іх супольнасцяў.
Нашыя праекты і ініцыятывы звязаныя з культурным менеджментам, развіццём супольнасцяў, нефармальнай адукацыяй і міжсектарным супрацоўніцтвам. Сярод удала праведзеных праектаў можна адзначыць:
- PRAEKTAR: Пітчынгі праектаў дзеячаў і дзeячак беларускай культуры і крэатыўных індустрый з магчымасцю атрымаць 150 еўра на развіццё праекта.
- СУП: Практычная адукацыйная праграма па стварэнні і развіцці разнастайных суполак.
- CC. SPACE: Крэатыўная прастора ў Вільні для мерапрыемстваў, сумеснай працы, развіцця, нэтворкінга і творчасці.Акрамя рэалізацыі сваёй праграмнай дзейнасці, мы любім ствараць шмат розных праектаў і ініцыятыў разам з іншымі калегамі, а таксама дапамагаць арганізоўваць івэнты, кансультаваць, быць спікер/-камі і праводзіць практычныя варкшопы.
Мы прапаноўваем заглянуць да нас у CreateCulture Space, якi знаходзiцца ў раёне старога горада Вiльнi!
- Працаваць у бясплатным каворкінгу, якi адкрыты з 09:30 да 18:00 з панядзелка па пятніцу.
- Карыстацца Івэнт Спэйсам: наша пляцоўка для івэнтаў да 40 чалавек адкрыта да вашых прапаноў, ідэй і ініцыятыў! У нас гнуткая сістэма арганізацыі мерапрыемстваў з магчымасцю скарыстацца пляцоўкай бясплатна. Калi ў вас ёсць iдэi – запаўняйце форму i мы хутка звяжамся з вамi!
- Праводзiць майстар-класы: забраніраваць пляцоўку для правядзення варкшопаў ды майстар-класаў да 12 чалавек можна на час з 11:00 да 18:00 у працоўныя дні або ў суботу напрацягу ўсяго дня.
Каб карыстацца каворкінгам трэба зарэгістравацца ў нашым Тэлеграм-боце, або запоўніць гугл-форму. Калі рэгіструецесь праз бот, то ён выдае вам квіток на дзень. Нумар свайго квітку трэба кожны раз паведамляць нашаму адміністратару/-ке на ўваходзе ў спэйс.
У нашай прасторы ёсць два пакоі для працы: у адным больш павольная атмасфера, у другім мы просім падтрымліваць цішыню.
Калі вам патрэбна патэлефанаваць, ці правесці гутарку, то вы можаце карыстацца адным з перамоўных пакояў.
Браніраванне перамоўных пакояў таксама робіцца праз бот. На адзін дзень магчыма замовіць дзве гадзіны, але калі вам патрабуецца болей, то, калі ласка, звяртайцеся да нашага адміністратара/-кі.
Для нашых івэнт-ініцыятыў мы прапануем у арэнду не толькі прасторы, але і тэхнічнае абсталяванне:
- Правадныя мікрафоны Shure SM58 — 2 шт
- Правадной мікрафон Shure SM55 — 1 шт
- Мікшэрны пульт Behringer XENYX на 12 каналаў — 1 шт
- PA system JBL IRX
- Праектар FullHD
- Экран
- Святло Amaran Aputure — 2 шт
- Святло LED Par — 2 шт
У нашай прасторы таксама ёсць невялікая кухня, лядоўня і мікрахвалёўка, таму вы можаце прыносіць сваю ежу. Таксама вы заўсёды можаце зрабіць сабе каву, гарбату, піць ваду з фільтра і частавацца прысмакамі. Дарэчы, мы заўсёды вельмі радыя, калі вы прыносіце нейкія прысмакі для ўсіх.
У нас вы можаце раздрукаваць неабходныя дакументы, ці зрабіць іх копію або скан. Пытайцеся нашага адміністратара/-кі!
Таксама ў нашай прасторы ёсць Бібліятэка, якая змяшча шмат кніг на беларускай і рускай мовах ад томікаў паэзіі да кніг на складаныя сацыяльныя тэмы.
Хачу прыйсці як удзельні_ца.
Глядзі нашы сацыяльныя сеткі - мы анансуем афішы на наступны тыдзень звычайна на выходных - а далей ты ўсё ведаеш: рэгіструйся і прыходзь!
Узніклі пытанні? Нашы івэнт-ініцыятывы пакідаюць кантакты для сувязі, калі вы не можаце звязацца з арганізатарамі можна пісаць нам: admin@createculture.space
Хачу арганізаваць сваё мерапрыемства ў сценах CreateCulture.
- Запоўні заяўку (https://forms.gle/P7tKQXuNUDXrAvd77)
- Атрымай адказ ад нашай івэнт мэнэджаркі Паліны напрацягу 1 працоўнага дня.
- Атрымай пацверджанне або адмову (у залежнасці ад тэматыкі мерапрыемстваў наша каманда можа адмовіць у прадастаўленні пляцоўкі - але не сумуй! Мы застаемся на сувязі і заўсёды адкрытыя да новых ідэй супрацоўніцтва.
- У выпадку пацверджання - уважліва запоўні форму брыфа, а таксама праглядзі інфармацыю па важных правілах пляцоўкі, якую табе накіруе наша івэнт мэнэджарка.
- Падрыхтуй тэкст і афішу для анонсу мерапрыемстваў на беларускай мове - дашлі яе мінімум за тыдзень да івэнту.
%20(2).png){kind=small}